मन रमेना रमेना
सुख गावेना गावेना
घागर  पाण्याने भरली
पण तहान भागेना

तहान लागली कशाची 

काही उमगत नाही

सुखे पायाशी लोळती

मन कशातच नाही 

सुख हवे रे कोणते?

मना विचारी मी प्रश्न

मन हसून बोलले 

तुला नाही समाधान 

--- दीपक थिटे

माउली

टाकुनिया भार

सारा तुझ्यावर

आता मी जाहलो

पुरता नि:संग

            पुसती हे लोक

            कुठे हो विवेक ?

            तोही वाहीयला

            तुझ्या पायी

कोठून हा आला

कसा हो हा हर्ष?

की झाला मज

परिसाचा स्पर्श

            पाउस आटला

            सखे गेले हो पुढती

            तरी वाट पंढरीची

            पाऊले चालती

कुठे गेला ज्वर?

कसे आले त्राण?

प्राण चेतवून

विठू गेला

            हरपली भूक

            तहान भागली

            करता भजन

            माउली माउली

                                           दीपक थिटे